Қирғизистонда юк машиналарида ҳаракатланиш тақиқланди
Чекловл «аномал иссиқ» сабаб жорий қилинган.
Қирғизистон ҳудудида умумий фойдаланишдаги автомобиль йўлларида юк автотранспорт воситаларининг ҳаракатланишига вақтинча чеклов жорий этилди, дея хабар бермоқда Транспорт вазирлиги.
«2023 йил ёз мавсумида Қирғизистон Республикаси ҳудудида умумий фойдаланишдаги автомобиль йўлларида юк автотранспорт воситаларининг ҳаракатланишига вақтинча чеклов жорий этилди», — дейилади хабарда.
Маълум қилинишича, 2023 йил 1 июндан 1 сентябргача соат 10:00 дан 20:00 гача, кунлик ҳаво ҳарорати 28 даража иссиқ ва ундан юқори бўлганда, максимал умумий оғирлиги 18 тоннадан ортиқ бўлган юк автотранспорт воситаларининг Қирғизистон ҳудудида умумий фойдаланишдаги автомобиль йўлларида ҳаракатланиши тақиқланади.
