Қоидабузар автобус жарима майдончасига жойлаштирилди

14-октябр куни соат 11:30 ларда Самарқанд шаҳрининг Амир Темур кўчасида “Isuzu” русумли йўловчи ташувчи автобус транспорт воситаси қоидаларга зид равишда қарама-қарши йўналишда ҳаракатланган.

Ҳолат юзасидан вилоят ИИБ ЙҲХБ томонидан текширув ишлари олиб борилди. Суриштирув жараёнида автобус ҳайдовчиси аниқланиб, текширилганда, ҳайдовчи автобусни тегишли ҳужжатларсиз бошқариб юрганлиги, шунингдек, транспорт воситасига қўшимча жиҳоз (овоз кучайтиргич) ўрнатганлиги аниқланди.

Ҳолат тегишли тартибда расмийлаштирилиб, транспорт воситаси жарима майдончасига жойлаштирилди.

Аввалроқ, Тошкентдан "Ташморе"га алоҳида йўлакда ҳаракатланувчи тезюрар автобуслар йўлга қўйилиши ва автобус ҳайдовчиси бошқарувни йўқотиб светафор ва уйга бориб урилгани ҳақида хабар бергандик.

Tags:

YTH

Samarqand

#o`zbekiston