Қўйлари кўчатларни шикастлаган чўпон жаримага тортилди
У 50 бош қўйни “Яшил макон” лойиҳаси доирасида экилган дарахт кўчатлари орасига ҳайдаган.
Қашқадарё вилояти Экология, атроф-муҳитни муҳофаза қилиш ва иқлим ўзгариши бошқармаси Қарши туман бўлими ходимлари томонидан ҳудудда навбатдаги рейд тадбири ўтказилди.
Рейд давомида Қарши тумани «Манғит» МФЙ ҳудудида фуқаро О. Б. томонидан 50 бош майда шохли молларни "Яшил макон" умуммиллий лойиҳаси доирасида экилган дарахт кўчатлари орасига ҳайдаб, кўчатларни шикастлантирганлиги аниқланди.
Ҳолат юзасидан ҳуқуқбузарга нисбатан Ўзбекистон Республикаси МЖтКнинг 79-моддаси 1-қисми билан маъмурий баённома расмийлаштирилди. О. Б. БҲМнинг 50 баравари — 17 млн сўм миқдорида жаримага тортилди.
