Россия ва Қозоғистон чегарасида Афғонистоннинг тўққиз нафар фуқароми қўлга олинди. Бу ҳақда “Sputnik Казахстан” хабар берди.
Ҳодиса Ғарбий-Қозоғистон вилоятида юз берган. Улар республикага октябрь ойида, катта эҳтимол билан Жамбул вилоят орқали кириб келган. Бутун мамлакатни ноқонуний кесиб ўтиб, улар Байтерек тумани орқали Россияга киришга ҳаракат қилган. Қозоғистон Миллий хавфсизлик қўмитаси ушбу маълумотларни тасдиқлади.
Улар Россия чегарачилари томонидан қўлга олинган.
Ҳозирда Қозоғистон ЖКнинг “Ноқонуний миграцияни ташкил қилиш” бўйича 394-моддаси билан жиноий иш очилган.
Аввалроқ Тожикистонда сақланаётган афғон ҳарбийлари АҚШга олиб кетилгани хабар қилинганди.
Жаҳонгир Қўзиев