Родриго АПЛ жамоасининг таклифини рад этди
Мадрид клуби ҳам бразилиялик вингерни қўйиб юбормоқчи эмас.
"Релево" нашри хабарига кўра, "Реал" вингери ўтган мавсум охирида жамоадошлари Виниcиус Жуниор ва Жуде Беллингҳем диққат марказида бўлганидан норози эди. Бразилияликнинг ҳаётида шахсий муаммолар ҳам пайдо бўлган.
Бироқ, Родриго ҳеч қачон Мадрид жамоасини тарк этишни истамаган ва буни унинг Англия чемпиони сафига қўшилишни рад этгани ҳақидаги маълумотлар ҳам тасдиқлайди. Таъкидланишича, "Манчестер Сити" жуда жозибадор таклиф билан чиққан, бироқ 23 ёшли футболчи буни рад этган. У "Реал"да ўйнашни хоҳлайди, лекин шу билан бирга кўпроқ эътирофга сазовор бўлишни истайди.
Мадрид клуби ҳам бразилиялик вингерни қўйиб юбормоқчи эмаслиги таъкидланган.
