Роналдо А Серияда қайси клуб чемпион бўлиши мумкинлигини "башорат" қилди
«Barselona» ва «Real Madrid» жамоаларида тўп сурган афсонавий бразилиялик футболчи Роналдо Назарио А Сериядаги чемпионлик баҳси хусусида фикр-мулоҳазаларини билдирди.
У скудетто учун қайси клуб асосий даъвогар бўлиши мумкинлигини "башорат" қилди.
“Италия чемпионатини мунтазам кузатиб бораман. Бу мавсум ҳам кубокни «Inter» қўлга киритишини истардим. Тўғри, Ромелу Лукакунинг кетиши клуб учун катта йўқотиш бўлди, лекин уни ҳам тўғри тушуниш керак, чунки бундай таклифни инкор этиб ҳам бўлмасди.
«Ювентус» билан «Милан» ҳам кучли жамоалар сирасига киради, лекин ушбу мавсумда мен «Inter»ни фаворит, деб ҳисоблайман”, - деди Роналдо Назарио.
Маълумот учун: «Inter» 2-тур баҳсидан сўнг «А Серия» жадвалининг 2-поғонасини эгаллаб турибди.
Эслатиб ўтамиз, бундан аввал Агуэронинг «Barselona»дан норози экани ҳақида хабар бергандик.
Мақсаджон Обиджонов
