Туркия президенти Тойиб Эрдоған бошқа сиёсий етакчиларнинг Владимир Путинга нисбатан салбий муносабатига қўшилмаслигини айтди.
Бирлашган Миллатлар Ташкилоти Бош Ассамблеяси йиғилишида иштирок этганидан сўнг Ню-Ёркда журналистлар билан суҳбатда бўлган Эрдоған Россияни эътибордан четда қолдирмаслик кераклигини таъкидлаб, Москва июль ойида тўхтатган Қора денгиз дон ташаббусини қайта бошлаш учун ижобий ечимлардан умидвор эканлигини таъкидлади.
“Раҳбарлар ҳам, бош вазирлар ҳам Путинга салбий муносабатда. Мен бу ёндашувларни тўғри деб ҳисобламайман, чунки Россия оддий давлат эмас. Бундай мамлакатни эътиборсиз қолдириб бўлмайди”, — деди Эрдоған.
Унинг сўзларига кўра, Россиянинг ғайриоддийлиги унинг майдони ва дунёда эгаллаган ўрнида.