Россия космосда собиқ Иттифоқ орбитал аппаратини йўқ қилган бўлиши мумкин. Бу ҳақда АҚШ космик қўмондонлиги маълум қилди.
"Россия тўғридан-тўғри бориб тегадиган сунъий йўлдошга қарши ракетасини синовдан ўтказди. У собиқ Иттифоқ даврида чиқарилган "Космос-1408" сунъий йўлдошини йўқ қилди ва Ерга яқин орбитада йўлдош парчаларининг пайдо бўлишига сабаб бўлди", — дейилади космик қўмондонлик сайтига жойлаштирилган пресс-релизда.
Қўмондонлик буни космос хавфсизлигини менсимаслик сифатида баҳолаган. Уриб туширилган сунъий йўлдош бўлаклари космик аппарат ва миссияларга хавф солиши мумкин. Шунингдек, пресс-релизда Россиянинг бу турдаги қуролларни ишлаб чиқиши АҚШ ва унинг иттифоқчилари томонидан космосни ўзлаштиришни қийинлаштиради ва стратегик барқарорликка путур етказади.
Аввалроқ АҚШ федерал қидирув бюроси 1940 йилларда ўзга сайёраликлар ҳақида суриштирув олиб боргани ҳақида хабар берилганди.
Жаҳонгир Қўзиев