Россияда 10 қаватли уй снаряд ҳужумига учради
Ҳодиса оқибатида ҳалок бўлганлар бор.
Бугун, 12 мат куни Белгороддаги 10 қаватли тураржойга снаряддан ҳужум қилинди. Зарба оқибатида кўп қаватли уйнинг кириш йўлаги, яъни подез бутунлай қулаб тушган.
Дастлабки маълумотларга кўра, ҳодиса оқибатида камида 5 киши ҳалок бўлган, 21 киши жароҳатланган. Харобалар остида 20 киши қолиб кетгани тахмин қилинмоқда. Ҳозиргача улардан 7 киши чиқариб олиниб, шифохонага ётқизилган.
Белгород области губернатори Вячеслав Гладков бинога снаряд келиб урилганини маълум қилди. У ҳодисада Украина қуролли кучларини айблаган.
Аввалроқ шаҳарда ҳаво ҳужумидан мудофаа кучлари ишга тушганди. Шундан сўнг шаҳарда огоҳлантириш сиреналари ёқилган.
