Бу ҳақда ТАСС хабар берди.
"Биринчи маҳаллий тўғридан-тўғри томир ичига юбориладиган вирусга қарши дори Арепливир (фавипиравир) рўйхатдан ўтиш гувоҳномасини олди ва йил охиригача барча ҳудудлардаги шифохоналарга етказилади", — дейилади хабарда.
“Biochemist” ОАЖ базасида препаратни тўлиқ ҳажмда ишлаб чиқариш ва уни Россиядаги тиббиёт муассасаларига етказиб бериш 2021 йил декабрь ойида бошланади. Россия Фанлар академияси академиги Дмитрий Пушкар бошчилигидаги клиник тадқиқот янги препаратнинг шифохоналарда қўлланганда самарадорлиги ва хавфсизлигини тасдиқлади.
Якуний қарор Россия Федерацияси Соғлиқни сақлаш вазирлиги томонидан коронавируснинг олдини олиш, ташхислаш ва даволаш бўйича вақтинчалик кўрсатмаларни навбатдаги қайта кўриб чиқилишида қабул қилинади.
Эслатиб ўтамиз, бу ҳафтада Россияда пандемиядан кунлик ўлим даражаси биринчи марта 1200 кишидан ошди. Россия дунёда биринчи бўлиб ушбу инфекцияга қарши вакцина яратилганини эълон қилган бўлса-да, мамлакатда коронавирус билан боғлиқ ҳалокатли вазият мавжуд.
Аввалроқ Шимолий Кореяда коринавирусга қарши вакцина ишлаб чиқарадиган йирик компанияга киберҳужум уюштирилгани ҳақида хабар берилганди.
Насиба Тўхтаева