Россиянинг Ростов вилоятида олти нафар судланувчи тергов изоляторида камерадаги панжарани бузиб, изоляторнинг икки нафар xодимини гаровга олди. Бу ҳақида маҳаллий нашрлар ёзмоқда.
Маълумотларга кўра, жиноятчилар орасида террорчилик айби билан судланган бир неча киши бор. Жиноятчилар ўзларининг ИШИДга алоқадор эканликларини эълон қилишган.
Жиноятчилар автомашина, қурол-яроғ ва изолятордан чиқиб кетиш имкониятини талаб қилишган.
“Интерфакс” нашрига кўра, Федерал Жазони ижро этиш хизмати матбуот хизматига таяниб хабар беришича, Ростовдаги тергов изоляторида гаровга олинганлар озод қилинган, жиноятчилар эса йўқ қилинган.