Саакашвилининг очлик эълон қилгани кўзбўямачиликдан бошқа нарса эмас — Ираклий Кобахидзе
Собиқ президент кунига уч литр лимонад ичиши маълум бўлди.
Грузия ҳукмрон партияси раҳбари Ираклий Кобахидзе Михаил Саакашвилининг очлик эълон қилганини “кўзбўямачилик” деб атади. Бу ҳақда “Риа Новости” хабар берди.
“Саакашвилининг ясама очлигига келадиган бўлсак, у айнан бугун, сайловлар куни симуляция ишлатмоқчи ва ўз тарафдорлари ҳиссиётларини уйғотмоқчи”, – деган Кобухидзе.
Унинг сўзларига кўра, Саакашвили очлик эълон қилганига қарамай, кунига уч литр лимонад истеъмол қилади.
Маълумот ўрнида: Саакашвили 1 октябрь куни қамоққа олинган. У Грузияга 8 йиллик танаффусдан сўнг қайтиб келди. Саакашвили 2004-2013 йилларда мамлакатни бошқарган. Шундан кейин у Украина фуқаролигини қабул қилган ва бир қанча лавозимларда ишлаган.
Грузияда бугун, 30 октябрь куни маҳаллий бошқарув органларига сайловларнинг иккинчи тури бўлиб ўтмоқда.
Бундан аввал Саакашвили врачларни қабул қилишдан бош тортгани ҳамда Саакашвили туфайли Грузиянинг Украина билан муносабатлари совуқлашгани хабар қилинганди.
