Самолётдан эвакуация қилиш ҳақидаги ҳақиқатлар

 

Кўпчилик самолётда парвоздан олдин эвакуация қоидалари тушунтирилишига гувоҳ бўлган. Аммо ҳар доим ҳам борт кузатувчисининг ҳаракатлари ва сўзларига диққат қилмаймиз. Яхшилаб ўзлаштирилган хавфсизлик техникаси одамлар ҳаётини қутқариб қолиши ҳақида ўйлаб кўрганмисиз?

 

Delta Airlines авиакомпанияси борт кузатувчиси самолётдан эвакуация қилиш бўйича ҳақиқий фактларни очиқлади.

 

Эвакуация вақтида (деярли) ҳамма нарсангизни самолётда қолдиринг

 

Сиси номи остида блог юритувчи стюардессанинг сўзларига кўра, барча борт кузатувчилар эвакуация вақтида самолётдан ҳеч нарса олиб чиқмасликни айтади. Аммо эълон қилинган видеода одамлар телефон билан чиқаётганини кўриш мумкин. Сиси бу нормал ҳолат экани, телефон бошқа йўловчиларнинг ҳаракатланишига халақит қилмагани учун бунга рухсат берилишини айтади.

 

Сиздан бошқаларга ёрдам бериш сўралиши мумкин

 

Йўловчилар самолётга чиқаётганида борт кузатувчилари ўзи учун ёрдамчи-йўловчиларни белгилаб олади. Фавқулодда ҳолатда улар экипажга одамларни эвакуация қилишда ёрдамлашиши мумкин.

 

Ёрдамчи-йўловчилар қандай танланади?

 

Сисининг сўзларига кўра, ҳар бир йўловчи самолётга чиқаётганида экипаж унинг жисмоний ҳолатига эътибор қаратади. Глобал авиация ахбороти тармоғи маълумотига кўра, ишламайдиган экипаж аъзолари, ҳарбийлар, қутқарув хизматлари ходимлари ва тиббиёт ходимлари энг яхши ёрдамчилар бўлади. Экипаж аъзоларининг йўловчилар билан қисқа суҳбатлари ҳам фавқулодда ҳолатда кимдан ёрдам сўраш мумкинлигини аниқлашга ёрдам беради.

 

Эвакуация вақтида экипажга ишониш керак

 

Эвакуация вақтида энг муҳими тинчлик сақлашдир. Борт кузатувчилари бир неча ойдан бир неча йилгача махсус тайёргарликдан ўтади. Демак, самолётдаги ходимларнинг барчаси фавқулодда вазиятда ўзини қандай тутишни биладиган профессионаллардир.

 

Эвакуация тез-тез амалга ошириладими?

 

Федерал авиация бошқармаси маълумотига кўра, йилига 30 га яқин эвакуация қайд этилади. Осмондаги самолётлар сони эса 39 миллиондан ортиқ.

 

Эвакуация жуда тез юз берадиган жараёндир. Авиа ишлаб чиқарувчи унинг самолёти тегишли рухсат олиши учун ундан узоғи билан 90 сонияда эвакуация қилиниш мумкинлигини исботлаши керак.