Сергелида “бродвей” барпо этилмоқда
Маълумотларга кўра, тумандаги Сўғдиёна маҳалласининг Жалоир кўчасида, салкам 1 км масофада “бродвей” барпо қилинмоқда. Бу ҳақда туман ҳокими бугун аҳоли билан facebook саҳифасида тўғридан-тўғри боғланиш жараёнида айтиб ўтган.
Онлайн мулоқот давомида Элбек Шукуров “бу ерда йўлнинг икки четида хизмат кўрсатиш шохобчалари, катта саҳна, велосипед йўлакчаси, спорт майдончалари ва албатта жуда кўп чироқлар бўлади. Умид қиламизки аҳолимиз кечки салқинда сайр қилиб, хордиқ чиқарадиган масканга айланади”,-дея таъкидлаган.
Қайд этилишича, туманда мана шундай “ҳаёт доимий қайнайдиган кўча”ни барпо этиш истаги анчадан бери режага киритилган эди. Концертлар ташкил этиш учун мўлжалланган каттагина саҳнага эга бўлиши кутилаётган кўча 20 августда фойдаланишга топширилади.
