Қашқадарё вилоятининг Шаҳрисабз шаҳрида ЙПХ хордимлари билан жанжал қилган фуқаро қамалди. Бу ҳақда вилоят ИИБ муълумот берди.
Бугун, 29 май куни соат 10:20 ларда Шаҳрисабз шаҳар ИИБ ЙҲХБ ходимлари Пиллакашлик маҳалласининг Пиллакашлик кўчасида 2 та давлат рақамисиз, ойналари тўлиқ қорайтирилган ҳамда рухсатсиз қайта жиҳозланган “Жентра” русумли автомашиналарга нисбатан ҳужжатларни расмийлаштирмоқчи бўлган. Шунда транспорт воситалари ҳайдовчилари ички ишлар органлари ходимларининг қонуний талабларини бажармасдан жанжал чиқариб, оммани ўзига қаратган.
Фуқаролар А.А., М.М. ва У.К.ларга нисбатан қонунчилик тартиби бузилганлиги ҳолати бўйича ҳужжатлар расмийлаштирилиб, қонуний тўхтамга келишлик учун жиноят ишлари бўйича Шаҳрисабз шаҳар судига юборилган.
Суд қарорига кўра, фуқаро А.А.га нисбатан Маъмурий жавобгарлик тўғрисидаги кодекснинг 183-моддаси, 125-моддаси 3-қисми, 126-моддаси 1-қисми, 127-моддаси 2-қисми ва 125-моддаси 5-қисми, У.К.га 183-моддаси ҳамда М.М.га 183-моддаси, 126-моддаси 1-қисми, 125-моддаси 5-қисмига асосан, ҳуқуқбузарларнинг ҳар бирига 5 суткадан маъмурий қамоқ жазоси тайинланди.