Шароф Рашидовнинг қизи Светлана Рашидова вафот этди
У 70 ёшни қаршилаган эди.
Таниқли олима, жамоат арбоби Светлана Рашидова Шарофовна 2021 йил 14 декабрь куни 70 ёшида вафот этди.
Светлана Рашидова 1952 йили Тошкент шаҳрида туғилган. Шароф Рашидовнинг энг кичик фарзанди бўлган. Тошкент давлат университетининг роман-герман факультетини тамомлаган. Москва давлат университетида чет эл адабиёти фан номзоди илмий даражасини олиш учун номзодлик диссертациясини ҳимоя қилган. Тошкент давлат университетининг роман-герман факультетида доцент лавозимида ишлаган.
Светлана Рашидова Алишер Воҳидовга турмушга чиққан. Турмуш ўртоғи билан бирга Нью-Йоркда яшага. У 1994 йилда Ўзбекистоннинг БМТдаги доимий вакили вазифасини бажарувчи, 1997–2008 йилларда эса Ўзбекистоннинг БМТдаги элчиси ва доимий вакили лавозимида ишлади.
Маълумотларга кўра Светлана Рашидова Ўзбекистонда дафн этилади.
Муножат Валиева
