Шавкат Мирзиёев Масжидун Набавийда намоз ўқиди
Президент Ўзбекистон халқига тинчлик тилаб дуо қилган.
Бугун, 17 август куни Шавкат Мирзиёев мусулмон оламининг энг муқаддас масжидларидан бири Масжидун Набавий ҳудудидаги Пайғамбар Муҳаммад (с.а.в.) дафн этилган Равзаи Муборакни зиёрат қилди.
Президент у ерда икки ракат намоз ўқиб, Ўзбекистон халқига тинчлик ва фаровонлик тилаб дуо қилган.
Шунингдек, ушбу муборак масканда дафн этилган халифалар Абу Бакр Сиддиқ (р.а.) ҳамда Умар ибн Хаттоб (р.а.) ҳаққига дуо ўқилган.
Бундан ташқари, давлат раҳбари Пайғамбар алайҳисаломнинг сийратлари ва Ислом сивилизацияси музейи билан ҳам танишган. Сўнг Жидда шаҳрига жўнаб кетган.
