Сирдарёдаги кўп қаватли уйда газ портлади
Ҳозирда воқеа жойига вилоят раҳбарлари етиб борган.
Бугун, 15 январь куни Сирдарё вилоятининг Ховос туманидаги кўп қаватли уйларнинг бирида газ портлади. Ҳолат бўйича Фавқулодда вазиятлар бошқармаси маълумот берди.
Қайд этилишича, соат 14:50 да Ховос тумани “Қаҳрамон” МФЙ “Қаҳрамон” кўчасида жойлашган 7-сонли кўп қаватли уйда газ-ҳаво аралашмасининг чақнаши содир бўлган.
Чақнаш натижасида бинога қисман зарар етган. Ҳозирда воқеа жойига етиб борган вилоят раҳбарлари ва ФВБ бўлимлари томонидан дастлабки тадбирлар амалга оширилмоқда.
“Ҳолат юзасидан қўшимча маълумот берилади”, — дейилади хабарда.
