Сурия Туркиядан қўшинларини олиб чиқиб кетишни талаб қилди
Сурия Туркиядан қўшинларини олиб чиқиб кетишни талаб қилди. Бу ҳақда мамлакат ташқи ишлар вазири Файсал Микдад айтиб ўтган.
Микдад Идлиб вилоятида вазият кескинлашуви ортидан шундай баёнот берди. "Фикримча, Туркия Суриядаги қўшинларини дарҳол олиб чиқиб кетиши керак. Халқаро ҳамжамият Дамашқнинг мамлакат шимолидаги босиб олинган ҳудудларни озод қилишга қаратилган ҳаракатларини қўллаб-қувватлаши зарур", - деган ташқи ишлар вазири.
Микдад вазиятнинг кескинлашувига Туркияни асосий сабабчи сифатида кўрмоқда.
Бундан аввал, Туркия Президенти Ражаб Тоййиб Эрдўған Россияга ташриф буюриши хабар қилинган эди. У Сочида Путин билан музокаралар ўтказади. Сурия шимолидаги вазият учрашувнинг асосий мавзуси бўлиши кутилмоқда.
Бундан аввал Сурия Президенти Башар Асад Москвага кутилмаган ташриф билан келган эди.
Жаҳонгир Қўзиев
