Воҳалик деҳқонлар ҳар йили қишлоқ хўжалиги маҳсулотларини биринчилардан етиштириб, юртимиз бозор расталарига етказиб беради. Иқлим ва тупроқ шароитлари маҳсулот етиштириш учун қулай бўлган сурхондарёлик миришкорлар полиз маҳсулотларини ҳам истеъмолчиларга етказиб беришни бошлашди.
Хусусан, Ангор тумани Юқори Таллимарон маҳалласида боғдорчилик фаолияти билан шуғулланувчи, хорижлик инвесторлар томонидан ташкил этилган "Қодир шаҳб" МЧЖ далаларига эрта баҳорда экилган «Дакара» навли қовуннинг илк ҳосили пишиб етилди.
Айни кунларда пишиб етилган қовунларни аҳоли истеъмоли учун маҳаллий бозорларга чиқариш ҳамда хорижий давлатларга экспорт қилиш ишлари бошланмоқда.