Сузиш федерацияси мансабдор шахслари томонидан сузиш спорти учун ажратилган маблағлар ҳисобидан терма жамоа аъзоси бўлмаган аслида Федерация Бош котибининг 15 нафар оила аъзолари Туркия давлатига дам олишга юборилгани аниқланди. Бу ҳақида Бош прокуратура хабар берди.
Қайд этилишича, Прокуратура органлари томонидан спортни ривожлантиришга қаратилган қонунлар ижроси юзасидан ўтказилган назорат тадбирларида Ўзбекистон сузиш федерацияси мансабдор шахслари томонидан сузиш спорти учун ажратилган маблағлар ҳисобидан терма жамоа аъзоси бўлмаган, аслида Федерация Бош котиби A.Г.нинг оила аъзолари бўлган жами 15 нафар фуқароларни Туркия давлатига дам олишга юборилиб, 405 миллион сўм маблағ талон-торож қилинган.
Шунингдек, амалда ўтилмаган ўқув — машғулот йиғинлар учун сохта буйруқлар асосида 458 миллион сўм маблағлар ўзлаштирилган.
Бундан ташқари, Федерацияга халқаро мусобақа ва ўқув машғулотлари ўтказиш учун ҳомийлар томонидан ажратилган 1,2 миллиард сўм маблағлар мақсадсиз сарфланган.