Талабаларни ётоқхонага жойлаштириш бўйича бепул электрон хизмат ишга туширилади

 

Бу ҳақда 2023 йилги Давлат дастури лойиҳасида назарда тутилган.

 

Лойиҳада электрон давлат хизматларининг улушини 55 фоизга етказиш, шу жумладан, проактив хизматларни кўрсатилишини йўлга қўйиш белгиланган.

 

Унга кўра, талабаларни ётоқхонага онлайн жойлашиш имкониятларини берувчи Давлат хизматлари маркази (ДХМ) ва Ягона интерактив давлат хизматлари портали (ЯИДХП) орқали кўрсатиладиган бепул электрон хизмати жорий этилади.

 

Ҳужжат қабул қилинса, қуйидаги имкониятлар яратилади:

 

ётоқхоналар ҳисобини юритиш реестри ишлаб чиқилади;

ижтимоий ҳимояга муҳтож талабалар устувор равишда жойлаштирилади;

 

ЯИДХП орқали электрон ариза бериш ва тўловларни амалга ошириш йўлга қўйилади.

 

Ҳужжатда 2023 йил мобайнида ЯИДХПда жорий этиладиган ва оптимизация қилинадиган 40 та давлат хизматлари ва сервислари рўйхатини тасдиқлаш назарда тутилган.