Тинч океанида янги альянс тузилди. Бу ҳақда Оқ уй расмий сайтида хабар берилди.
Унга кўра, янги бирлашмага Австралия, АҚШ, Буюк Британия, Япония ва Янги Зеландия аъзо бўлган. Альянс Partners in the Blue Pacific (PBP) деб аталади.
"Бугун (24 июнь) беш давлат янги кўп тармоқли механизмни— Partners in the Blue Pacific ишга туширди. Ушбу янги ташаббус бизнинг минтақага бўлган азалий садоқатимизни намойиш этади”, – дейилади баёнотда.
Томонлар ушбу ҳамкорликни очиқ, инклюзив ва норасмий бўлиб қолишини таъкидлаган.