Тожикистонда 1,5 мингга яқин сеҳргар ушланди
Шунингдек, 5 мингга яқин имомлар қўлга тушган.
Тожикистон Ички ишлар вазирлиги ходимлари томонидан кенг кўламли операция ўтказилди. Мазкур тадбир давомида афсунгарлик, фолбинлик ва оккулсион хизматларнинг бошқа турлари билан шуғулланган 1,5 мингга яқин киши қўлга олинган. Бу ҳақида мамлакат президенти матбуот хизмати хабар берди.
Унда хабар қилинишича, май ойидан буён тожик полицияси томонидан руҳий хизматлар сотувчилардан ташқари 5 мингга яқин “маълумоти паст” имомлар ҳам ҳибсга олинган.
Бундай фаолият билан шуғулланган шахсларга 270 дан 340 долларгача жарима солиниши мумкин, бу эса мамлакатдаги ўртача ойлик иш ҳақидан анча юқори ҳисобланади.
