Учрашувда транспорт соҳасида ҳамкорлик қилиш, йўллар ва чорраҳаларда “тирбандлик”нинг олдини олиш мақсадида республика шаҳарларида транспорт оқимларини бошқариш масалалари муҳокама қилинган.
Япония компанияси вакиллари Япониядаги йўллар ва чорраҳаларда ҳаракатни бошқариш бўйича ўз тажрибалари билан ўртоқлашган. Жумладан, компаниянинг тизими ва ускуналари инсон аралашувисиз чорраҳалар ва йўлларни тартибга солиш имконини беради.
Музокаралар чоғида Ўзбекистонда автомобил ва темир йўлларни бошқариш тизимлари ва ускуналарини ишлаб чиқариш ва жорий этиш масалалари муҳокама қилинган. Корхона вакиллари Ўзбекистондаги электротехника ускуналари ишлаб чиқарувчилари билан ҳамкорликда зарур жиҳозлар ишлаб чиқаришни йўлга қўйишга тайёр эканликларини билдириб, имкон қадар ишлаб чиқаришни маҳаллийлаштиришга тайёр эканликларини билдирган.
Шунингдек, компания вакиллари Ўзбекистон шаҳарлари чорраҳа ва йўлларда автотранспорт оқимини камайтириш тизимларини жорий этиш орқали тадқиқот олиб боришади.