Институт ректори Ботир Усмоновнинг АОКАда ўтказилган матбуот анжуманида маълум қилишича, янги ўқув йилидан бошлаб “супер-контракт” асосида талабаларни ўқишга қабул қилиш тўхтатилиши мумкин.
"Институтга молиявий мустақиллик берилди. Энди тўлов-контракт миқдорида ўзгариш бўладими? Бу бўйича қарор — 2022-2023-ўқув йили учун қабул қилинади. Бу йил иккинчи семестр учун нархлар ўзгармайди.
Биз кейинги йилдан бошлаб супер-контрактга талаба қабул қилишдан воз кечишга ҳаракат қиламиз. Чунки биз таълим сифатига асосланган «бренд» яратишни мақсад қилганмиз. Шу боис фақат иқтидорли ва ишлаб чиқарувчиларга маъқул келадиган номзодларни талабаликка қабул қиламиз", — дея таъкидлади ректор.