Тошкентда 25 метрлик қурилиш крани ёниб кетди
Ҳолат бўйича ФВВ расмий изоҳ берди.
Қайд этилишича, воқеа бугун, 13 апрель куни соат 19.04 да Сергели туманининг “Ҳабибий” маҳалласи ҳудудида содир бўлган. “Сегели–5” даҳасида янги қурилаётган кўп қаватли бино учун фойдаланилаётган тахминан 25 метрлик минора кранининг кабина қисмида ёнғин келиб чиққан.
Воқеа жойига Тошкент шаҳар ФВБнинг 3 та ёнғин-қутқарув экипажи жалб қилинган ва ёнғин 20 минут атрофида бартараф қилинган.
Ҳодиса оқибатида ҳеч ким тан жароҳати олмаган. Ҳозирда ёнғиннинг келиб чиқиш сабаби ва моддий зарар миқдори аниқланмоқда.
