Бугун, 5 ноябрь куни Тошкент вақти билан соат 05:08 да Қозоғистонда 4,5 балли зилзила кузатилди. Бу ҳақда Фавқулодда вазиятлар вазирлиги Сейсмопрогностик мониторинг маркази хабар қилди.
Зилзила координаталари: 41,56 градус шимолий кенглик; 68,93 градус шарқий узунлик. Магнитуда М=4,5. Чуқурлик 15 км. Зилзила эпицентри Тошкентдан 41 км шимолий-ғарбда жойлашган.
Ўзбекистон Республикаси ҳудудида сезилиш кучи:
—Тошкент шаҳрида 4 балл, 41 км.
—Тошкент вилоятида 3 балл, 68 км.
—Сирдарё вилоятида 2-3 балл, 120 км.