Тошкентда 55 ёшли эркак 7 ёшли қизга тегажоғлик қилгани айтилмоқда
Гумонланувчи қизни қўрқитиб, уятсиз хатти-ҳаракатлар қилган.
Тошкентда 7 ёшли қизга кўп қаватли уйнинг кириш қисмида тегажоғлик қилган эркак қўлга олинди, дея хабар берди «Сукут сақлама» лойиҳаси.
Лойиҳа муаллифларининг айтишича, воқеа 7 июнь куни Тошкент вилояти Қибрай туманида содир бўлган. Унга кўра, ўрта ёшлардаги бегона эркак 7 яшар қиз орқасидан уйнинг олдигача кирган. Қиз эса ўша уйда яшайдиган 1-қаватда турадиган дугонасининг олдига келган.
Эркак қизни қўрқитиб, рўпарадаги эшик олдига олиб бориб, қизни ўпиб, уятиз хатти-ҳаракатлар қилгани айтилмоқда. Қизнинг дугонаси унинг келавермаганидан хавотир олиб, ўзи кўчага чиққанида эркак ҳодиса жойидан қочиб кетган. Жабрланувчининг ота-онаси ҳолат бўйича дарҳол Ички ишлар ва Прокуратура органларига мурожаат қилган.
Лойиҳа муаллифларининг аниқлашича, ушбу шахс Қибрай туманида истиқомат қилувчи 1968 йилда туғилган оилали эркак бўлиб чиққан. Шунингдек, хабарда айтилишича, гумонланувчига нисбатан 15 йилдан 20 йилгача қамоқ жазоси тайинланиши мумкин.
