Тошкентда автобус ва Spark иштирокида автоҳалокат содир бўлди
Воқеа тафсилотлари бўйича Тошкент шаҳар ИИББ Йўл ҳаракати хавфсизлиги бошқармаси маълумот берди.
Жорий йилнинг 10 август куни соат 16:20 ларда Учтепа тумани ТҲАЙ — Пойгоҳ кўчалари кесишмасида йўл-транспорт ҳодисаси кузатилган.
Тошкент шаҳар ИИББ ЙҲХБ ахборот хизмати хабарига кўра, 1963 йилда туғилган А.Т. бошқарувида бўлган Yutong русумли автобуси ҳамда 1989 йилда туғилган Р.Б. бошқарувида бўлган Spark русумли автомашина иштирокида йўл-транспорт ҳодисаси содир бўлган.
ЙТҲ натижасида тан жароҳати олганлар йўқ. Ҳолат юзасидан Тошкент шаҳар ИИББ ЙҲХБ масъул ходимлари томонидан суриштирув ҳаракатлари олиб борилмоқда.
