Ижтимоий тармоқда Тошкентда икки машина ёниб кетгани акс этган видео тарқалганди. Ушбу ҳолат юзасидан ФВБ маълумот берди.
Қайд этилишича, 24 ноябрь куни соат 23:58 да Тошкент шаҳар Мирзо Улуғбек тумани Шўртепа 2-тор кўчасида автомобиль ёнаётгани ҳақида Тошкент шаҳар ФВБга хабар тушган.
Шунга кўра, ёнғин-қутқарув техникалари айтилган манзилга соат 00:03 да етиб бориб, ёнғин соат 00:07 да ўчирилган.
"Ёнғин оқибатида ҳалок бўлган ва жабрланганлар йўқ. Ҳозирда ёнғин сабаби ва келтирилган моддий зарар миқдори аниқланмоқда", — дейилади хабарда.