Тошкентда тўртта автомашина ЙТҲга учради
Ҳолат бўйича ЙҲХБ маълумот берди.
Бугун, 31 май куни Тошкент шаҳрининг Учтепа туманида тўртта автомашина иштирокида йўл-транспорт ҳодисаси содир бўлди. Бу ҳақда шаҳар ИИББ ЙҲХБ маълумот берди.
Ҳодиса соат 16.45 ларда Учтепа тумани Заргарлик кўчасида юз берган. Унда 1994 йилда туғилган Ҳ.Й. бошқарувидаги Lacetti, 1976 йилда туғилган A.И. бошқарувидаги Cobalt, 2003 йилда туғилган Ф.С. бошқарувидаги Changan, 1993 йилда туғилган Ф.С. бошқарувидаги Spark русумли автомашиналари иштирокида йўл транспорт ҳодисаси содир бўлган.
ЙТҲ оқибатида Spark ҳайдовчиси тан жароҳат олиб шифохонага олиб кетилган. Ҳозирда ҳолат юзасидан Тошкент шаҳар ИИББ ЙҲХБ масъул ходимлари томонидан суриштирув ҳаракатлари олиб борилмоқда.
