“Юксак технологиялар ва инновациялар сари” шиори остида ташкил этилаётган навбатдаги халқаро анжуман 24–27 ноябрь кунлари Тошкент шаҳрида илк бор ўтказилади.
Ушбу фестиваль Ўзбекистон Инновация вазирлиги билан ҳамкорликда халқаро “Innoweek” ҳафталиги доирасида бўлиб ўтади.
11–16 ёшдаги иштирокчилар вазирлик тасарруфидаги “Технопарк” марказида ўз ихтироларини 3 кун давомида намойиш қилади.
Маълумот учун: ТДБВ (Турк дунёси болалари вақфи) лойиҳа координатори, Туркия жумҳурияти Миллий таълим вазирлиги бўлим мудири, профессор Иброҳим Эрдоған юртимизга келиб, тайёргарлик жараёни билан танишди.
“Турк дунёси иқтидорларини юртимизда жам қилиш учун қаттиқ ҳаракат қилдик. Чунки унга 16 мамлакатдан бўлажак Абу Райҳон Беруний, Ибн Рушдий, ал-Фаробий, Аҳмад ал-Фарғоний, Мирзо Улуғбек, Али Қушчи, Котиб Челебийлар 40 дан ортиқ лойиҳалари билан иштирок этади”, — деди лойиҳа иштирокчиси Муаззам Иброҳимова.
Эслатиб ўтамиз, фестиваль Турк дунёси болалари вақфи томонидан 2016 йилдан буён ўтказиб келинмоқда.
Бундан аввал ўзбек мультфильми халқаро фестивалда иштирок этгани ҳақида хабар берилганди.
Чўлпоной Аҳмедова