Ижтимоий тармоқда “Mersedes-Benz” русумли автобусда тутун ҳосил бўлгани акс этган видео тарқалмоқда.
Расмий хабарга кўра, ҳолат “Бўзсув маркази – Чилонзор метроси” йўналишида ҳаракатланувчи автобусда содир бўлган. Автобус Бунёдкор шоҳкўчасидан ҳаракатланиб бораётган вақтида турбонадув қисмидаги носозлик сабабли тутун чиқариш қисмидан мой сизиб чиқиши оқибатида тутун чиққан.
Автобус ҳайдовчиси ушбу ҳолатни кўриб, соат 09:40 да “7-автобус саройи” филиалининг навбатчи нозимасига ахборот берган ва автобус зудлик билан автобус саройига қайтарилган. Ҳозирда “7-автобус саройи” филиалининг техник мутахассислари томонидан автобуснинг техник носозлиги бартараф этилмоқда.
Эслатиб ўтамиз, жорий йилнинг 7 сентябрь куни ҳам “MAN А22 СNG” русумли автобусда тутун чиқиш ҳодисаси кузатилганди.