Трамп ўз гольф клубида ўзига ҳайкал қўйди
Ҳайкалда у мушт кўтариб турган ҳолатда тасвирланган.
АҚШ президенти Доналд Трамп ўзининг Трамп халқаро гольф клубида ўз шахсий ҳайкалининг очилиш маросимини ўтказди. Ҳайкал Трампга “Стискер Муле” бош директори ва собиқ конгресс номзоди Энтони Константино томонидан совға қилинган.
Тадбир ҳақида Константино ўзининг Х (собиқ Твиттер) ижтимоий тармоғидаги саҳифасида хабар берган. Хабарда айтилишича, “Бўйсунмаслик ёдгорлиги” деб номланган бу ҳайкал энди гольф клубда доимий равишда намойиш этилади. Ҳайкал тош пойдеворга ўрнатилган бўлиб, пойдеворга Энтони Константинонинг исми ҳам ўйиб ёзилган.
Ҳайкал Доналд Трампни 2024 йил июль ойида қилган машҳур мушт кўтарилган ҳолатда тасвирлайди. У гольф клуби биноси ва 27 чуқурли гольф майдонининг биринчи белгиланган жойига ўрнатилган.
