АҚШ президентлигига номзод Доналд Трампнинг жамоатчилик билан алоқалар бўйича раҳбари ўринбосари Марго Мартин собиқ президентнинг суиқасддан сўнг АҚШ аэропортларидан бирига етиб келгани акс этган видеони эълон қилди.
“Кучли ва чидамли, у АҚШ учун курашни ҳеч қачон тўхтатмайди”, деб ёзган Мартин Х ижтимоий тармоғидаги саҳифасида.
Эълон қилинган видео тасвирларда Нью-Жерсига самолётда етиб борган Трампнинг аҳволи яхши эканлигини кўриш мумкин. Собиқ президентни аэропортда унинг шахсий хавфсизлик хизмати ва АҚШ Махфий хизматининг қуролли ходимлари кутиб олди.