Туркия йирик газ марказига айланмоқда— Эрдоған
Туркия раҳбари Анқара тўғри йўл танлагинини айтди.
Туркия хорижий давлатлар умид қиладиган йирик газ марказига айланмоқда, деди Туркия етакчиси Ражаб Тойиб Эрдоған.
Аввалроқ Россия президенти Владимир Путин Россия газ транзитини Қора денгиз минтақаси ва Туркияга ўтказиши мумкинлигини айтган эди. Россия раҳбари бу ғояни Туркия президенти билан муҳокама қилган.
Путин зиддиятли томонлардан бири билан мулоқотни тўхтатиш Туркияни ҳозирда энергетика инқирозини бошидан кечираётган Европа давлатлари билан бир қаторга қўйишини таъкидлаган.
“Туркиянинг мувозанатли сиёсати бутун дунёда маъқулланди. Агар биз танқидчиларга эргашганимизда, бугун биз ҳам европаликлар каби келаётган қишдан қандай омон қолиш ҳақида ўйлаётган бўлардик. Бироқ Анқара бошқа йўлни танлади, шу сабабли газ билан боғлиқ муаммолар йўқ”, — деди Эрдоған.
