Туркманистон Афғонистонга темирйўлчилар жўнатди
Улар 30 километрли темирйўл қурилишини якунлайди.
Туркманистонлик мутахассислар Акина-Андхой темирйўли қурилишини давом эттириш учун Афғонистонга келди. Бу ҳақда Туркманистон ТИВ хабар берди.
Афғонистонда уларни Балх вилояти темирйўл бошқармаси ва бошқа ташкилотлар раҳбарлари кутиб олган. Темирйўлчилар ўзи билан барча зарур техника ва қурилиш мосламаларини олиб келган.
Ушбу темирйўл қурилиши 2019 йил июлида бошланган. Аммо турли сабабларга кўра унинг давом эттирилиши ортга суриб келинди. Магистралнинг умумий узунлиги 30 километрни ташкил этади. Туркман мутахассислари яна 800 метр жойга темирйўл ётқизиши керак. Қурилиш ишлари бир ойда тугаши кутилмоқда.
Аввалроқ Сардор Умрзоқов Афғонистон ташқи ишлар вазири в.б. Амир Хон Мутаққий билан Трансафғон темирйўли қурилиши масаласини муҳокама қилганди.
