Украинадаги уруш дунёда катта очлик ва глобал озиқ-овқат тизимининг қулашига олиб келиши мумкин. Бу ҳақда БМТ Бош котиби Антониу Гутерриш Твиттердаги саҳифасида ёзди.
“Украинадаги уруш аллақачон таъминот занжирларини бузмоқда. Бу ҳолат ёқилғи, озиқ-овқат ва транспорт нархларининг кескин кўтарилишига сабаб бўлмоқда. Биз очлик бўрони ва глобал озиқ-овқат тизимининг қулашига йўл қўймаслик учун ҳамма нарсани қилишимиз керак”, деган у.
Эслатиб ўтамиз, аввалроқ Россиянинг Украинага қарши уруши Африка мамлакатларида очарчиликка олиб келиши ҳақида хабар берилганди.