"Урганч" халқаро аэропортида 50 дона қадимий тангалар ушлаб қолинди
Фуқаро темурийлар даври тангаларини қўл сумкасига яширган.
"Урганч" халқаро аэропортидан "Урганч-Истамбул" рейси орқали учиб кетаётган чет эл фуқароси R.V. гумон қилиниб унга тегишли бўлган шахсий буюмлар солинган қўл сумкаси ичида, оғзаки сўров пайтида айтилмаган, Ўзбекистон Республикасидан олиб чиқиш таъқиқланган, 50 дона (1898, 1903, 1908, 1911, 1914, 1916, 1961, 1962, 1963) йилларда ва темурийлар даври тангалари бўлган, тахминан ХВ асрларда Бухоро ва Самарқандда зарб этилган мисдан ясалган қадимий тангаларни олиб кетаётганлиги аниқланди.
Мазкур ҳолат юзасидан божхона ходимлари томонидан маъмурий ҳуқуқбузарлик тўғрисидаги баённома расмийлаштирилиб, Жиноят ишлари бўйича Урганч шаҳар судининг қарорига асосан давлат эгалигига ўтказилган. Ҳозирда ушбу қадимий тангалар “Хива Ичан-қалъа” давлат музей қўриқхонага топширилган.
Эслатиб ўтамиз, Ўзбекистон Республикасининг 1998 йил 29 августдаги “Маданий бойликларнинг олиб чиқилиши ва олиб кирилиши тўғрисида”ги Қонуни ҳамда Ўзбекистон Республикаси Вазирлар Маҳкамасининг 1999 йил 23 мартдаги “Маданий бойликларни олиб чиқилиши ва олиб кирилиши тўғрисида”ги Низом талабларига мувофиқ эллик йил муқаддам ва ундан ҳам олдин яратилган маданий бойликларни Ўзбекистон Республикаси ҳудудидан олиб чиқиш мумкин эмас.
