Европа хавфсизлиги мувозанати йўқотилиши Украина инқирозининг асосий сабабидир. Бу ҳақда Хитой ташқи ишлар вазири Ван И маълум қилди.
"Украина масаласининг дастлабки сабаби Европа хавфсизлигининг баланси йўқолганига бориб тақалади. Қайтадан тенг мувозанатли, самарали ва барқарор хавфсизлик тизимини қуриш керак. У бўлинмас хавфсизлик тамойилига асосланиши лозим, шундагина Европада узоқ муддатли барқарорлик ва тартибга эришиш мумкин", — деган у Франция президентининг дипломатик маслаҳатчиси Эммануэль Бонн билан суҳбатда.
Ван И барча томонлар музокаралар учун ҳаракат қилиши зарурлигини таъкидлаган.
"Бир томондан ўт очиш режимини тўхтатиш ҳақида баралла гапириш, иккинчи томондан тўхтовсиз равишда замонавий қуролларни етказиб бериб, ҳарбий эскалацияни кучайтириш мумкин эмас", — деб қўшимча қилган дипломат.
Шунингдек, у тинчлик музокараларига чақириш билан бирга бир томонлама санкциялар жорий этиш мақбул сиёсат эмаслигига эътибор қаратган.
Аввалроқ Ван И Сергей Лавров билан музокаралар ўтказгани тўғрисида хабар берилганди.