Вақтида олинмаган пенсияларни тўлаш муддати 24 ойгача узайтирилмоқда
Янги тартиб 2024 йилдан жорий этилади.
Олий Мажлис Қонунчилик палатаси мажлисида кўриб чиқилган Қонун лойиҳасига кўра, 2024 йил 1 январдан бошлаб, пенсионерга ҳисобланган, лекин ўз вақтида олинмаган пенсияларни тўлаш муддати икки баробарга, яъни 12 ойдан 24 ойгача узайтирилмоқда.
Бундай пенсионерлар йилига 820 нафарни ташкил этади. Уларга тўланмаган пенсия миқдори эса 15 миллиард сўмни ташкил этади.
Шунингдек, пенсияларни йиллик инфляция даражасини ҳисобга олган ҳолда ҳисоблаб, ошириб бориш назарда тутилмоқда.
