"Реал Мадрид" ҳужумчиси Виниcиус Жуниор кетма-кет иккинчи марта Жанубий Американинг энг яхши футболчиси бўлди. Бразилиялик футболчи ўтган мавсумда 23 та гол урди ва жамоасига Испания кубоги ва клублар ўртасидаги жаҳон чемпионатида ғалаба қозонишга ёрдам берди.
“Бу соврин мен учун жуда муҳим, чунки мен ҳар куни энг яхши натижа кўрсатиш ва жамоага ёрдам бериш учун ишлайман. Клуб менга индивидуал совринларни ютишимга ёрдам беради ва мен ҳам жамоадошларимга раҳмат айтишим керак. Яна кўпроқ совринлар ютиш учун худди шу руҳда давом этмоқчиман. Мен кўплаб футбол афсоналари қаторида ушбу рўйхатга киритилганимдан фахрланаман. Мен бу мавсумда қилаётган барча ишларимдан мамнунман ва умид қиламанки, биз шундай давом этамиз ва "Реал Мадрид" учун совринларни қўлга киритамиз", - деди Виниcиус тақдимот маросимида.