“Хитой коронавирус келиб чиқишини аниқлаш мақсадида Ухан шаҳрида сақланаётган 10 минглаб қон наммуналарини ўрганишга тайёрланмоқда”, – дейилади CNN телеканали хабарида.
Хабарда айтилишича, Ухан шаҳрида 200 мингдан ортиқ идишда қон намуналари сақланмоқда. Уларнинг орасида 2019 йилнинг сўнгги ойларига тегишли таҳлиллар ҳам бор. ЖССТ экспертлари бу маълумотлар коронавирус келиб чиқишини аниқлашда муҳим манба бўлишини таъкидламоқда.
CNN ушбу қон намуналари сақланиш муддати икки йил эканини ва Хитой олимлари тез орада уни ўрганишга киришишини маълум қилган.
Бундан аввал Уханда 2019 йил ёзидаёқ коронавирус тарқаб кетган бўлиши мумкинлиги ҳамда АҚШ разведкаси COVID-19 бўйича махсус ҳисобот тайёрлагани хабар қилинганди.
Жаҳонгир Қўзиев