Хитойлик 13 ёшли ўқувчи буклама смартфон яратди
Бола буни 3Д-принтер ёрдамида амалга оширган.
Хитойнинг Хубей провинциясидаги Ичанг шаҳрида яшовчи мактаб ўқувчиси Лан Бовен ўзининг ноёб буклама смартфонини яратди. У ушбу қурилмани 3Д-принтер ёрдамида ишлаб чиқди ва эски телефонларнинг эҳтиёт қисмларидан фойдаланди.
Лан Бовеннинг таъкидлашича, ҳозирда бозорда фақат ичкарига букланадиган телефонлар мавжуд. Шу сабабли у ташқарига букланадиган модель яратишга қарор қилган. Унга кўра, бундай дизайн қулайроқ ва амалийроқдир.
Смартфоннинг корпуси 280 доллар (2 000 юань) турадиган 3Д-принтерда босиб чиқарилган. Қурилманинг асосий қисмлари оиласига тегишли эски телефонлардан олинган, баъзи деталлар эса интернет орқали сотиб олинган.
Ҳозирча ушбу телефон дастлабки синов босқичида, лекин у аллақачон оддий смартфоннинг барча функцияларини бажара олади. Лан Бовеннинг инновацион ишланмаси Хитой ижтимоий тармоқларида катта қизиқиш уйғотди. Ҳатто Виво компанияси унинг саъй-ҳаракатларини юқори баҳолади.
