Хориждаги меҳнат мигрантларига қандай моддий ёрдам кўрсатилади?
Ҳар қайси мамлакат дастлаб ўз фуқароларининг хавфсизлигини ўйлаб, ўз муаммосини ҳал этиб бўлгач, кейин хорижий фуқароларга эътибор қаратади.
Ташқи меҳнат миграцияси агентлиги томонидан хорижда меҳнат фаолиятини амалга ошираётган 7 минг 992 нафар меҳнат мигрантига ҳуқуқий ёрдам, 288 минг 352 нафарига маслаҳат хизматлари, 6 минг 194 нафарига ижтимоий ёрдам, 10 минг 951 нафарига моддий ёрдам кўрсатилди.
Ташқи меҳнат миграцияси агентлигининг маълумотларига кўра:
5 минг 984 нафар меҳнат мигрантига бир марталик моддий ёрдам ажратилди.
308 нафар меҳнат мигранти вақтинча хостелга жойлаштирилди.
Хорижда вафот этган 361 нафар фуқаро жасади олиб келинди.
408 нафар хорижда қийин аҳволда қолган фуқаролар қайтарилди.
Оғир тан жароҳати олган 12 нафар меҳнат мигрантининг тиббий хизмат харажатлари қоплаб берилди.
Маълумот учун: меҳнат мигрантларининг иш берувчилар томонидан тўланмай турган қарийб 892,1 минг АҚШ доллари миқдоридаги иш ҳақи ва пуллик компенсациялари ундириб берилди.
Аввалроқ Санкт-Петербургда 100 нафар ўзбекистонлик меҳнат мигранти рус тилида ўқитилиши, Россия Ўзбекистоннинг 150 минг фуқаросига мамлакатга киришга қўйилган тақиқни олиб ташлагани, ўзбекистонлик қурувчиларни Россияда “космик истиқболлар” кутаётгани, Россияда миграция тўғрисида ягона ҳужжат жорий этилгани ҳақида хабар берилганди.
