Якутияда Ан-3 самолёти ҳалокатга учради
Ҳалокатга двигателнинг носозлиги сабаб бўлган бўлиши мумкин.
Фавқулодда вазиятлар вазирлигининг минтақавий бошқармаси самолёт Олекминск шаҳридан бир ярим километр узоқликда “фавқулодда қўнишни амалга оширганини” маълум қилди. Департамент томонидан чоп этилган фотосуратларда самолёт ўрмонга қулагани ва жиддий зарар кўргани кўрсатилган.
Ан-3 бортида беш киши — икки йўловчи ва уч экипаж аъзоси бўлган. Бир йўловчи ҳалок бўлди. Тергов қўмитаси томонидан ҳаво транспорти ҳаракати хавфсизлигини бузиш моддаси бўйича жиноий иш қўзғатилган.
Хавфсизлик кучларига яқин бўлган Baza Telegram каналининг хабар беришича, ҳалокатга двигателнинг носозлиги сабаб бўлган бўлиши мумкин.
