Янги йил байрами арафасида йўловчиларга янада кўпроқ қулайлик ҳамда ички туризмни ривожлантиришда қўшимча имкониятлар яратиш мақсадида “Ўзбекистон темир йўллари” АЖ 2021 йил 27 декабрдан 2022 йил 9 январгача "Тошкент-Бухоро-Тошкент" йўналишида 770/769-сонли "Афросиёб" замонавий поездларининг қатновини йўлга қўяди. Бу ҳақида "Ўзтемирйўлйўловчи" АЖ хабар берди.
Унда айтилишича, Ҳозиргача фақат ҳафтанинг жума, шанба ва якшанба кунлари соат 09:02 да Тошкент марказий темир йўл вокзалидан ҳаракатини амалга ошириб келаётган 770-сонли "Афросиёб" замонавий поезди, 27 декабрдан 2022 йил 9 январгача ҳар куни соат 09:02 да "Тошкент-Бухоро" йўналишида қатновини амалга оширади.
Бундан ташқари, 769-сонли "Афросиёб" замонавий поезди ҳам 27 декабрдан 2022 йил 9 январгача ҳар куни соат 15:02 да "Бухоро-Тошкент" йўналишида қатновини амалга оширади.
Ушбу поездлар Самарқанд, Навоий темир йўл вокзалларида ҳам тўхтаб ўтади.
Изоҳ: Қўшимча маълумотларни Тошкент шаҳрида 1005 қисқа телефон рақами, жойлардаги темир йўл кассалари ҳамда маълумотлар бюросидан билиб олишингиз мумкин.
Аввалроқ "Афросиёб" поездларининг “Тошкент – Бухоро – Тошкент” йўналишида қатнови йўлга қўйилиши ҳамда "Тошкент — Шаҳрисабз — Тошкент" йўловчи поездининг ҳаракат жадвали ўзгариши ҳақида хабар берилганди.
Оламгир Абдиев