Bu haqda O‘zbekiston Respublikasi Transport vazirligi Axborot xizmati xabar berdi.
“O‘zbekiston temir yo‘llari” AJ yo‘lovchilarning zamonaviy poyezdlarga bo‘lgan talabini to‘la qondirish, bundan tashqari ichki turizmni rivojlantirishda qo‘shimcha imkoniyatlar yaratish maqsad qilgan.
Harakat jadvaliga ko‘ra, 2021-yil 13-noyabrdan boshlab, shanba va yakshanba kunlari soat 09:02 da Toshkent markaziy temir yo‘l vokzalidan harakatini amalga oshiradigan 770-sonli “Afrosiyob” zamonaviy poyezdi Samarqand, Navoiy temir yo‘l vokzallarida ham to‘xtab o‘tib, soat 12:47 da Buxoro 1 temir yo‘l vokzaliga yetib boradi.
“Afrosiyob” zamonaviy poyezdi ushbu kunlarda soat 15:02 da Buxoro 1 temir yo‘l vokzalidan harakatini amalga oshirib, soat 18:50 da Toshkent markaziy temir yo‘l vokzaliga kirib keladi.
Eslatib o‘tamiz, avvalroq O‘zbekistonga yana bitta “Afrosiyob” poyezdi olib kelinishi hamda 30 avgustdan Toshkent metrosining barcha yo‘nalishlari soat 05:00 dan 00:00 gacha ishlashi haqida xabar berilgandi.
Shuningdek, Rossiyadan Toshkentga 20 ta yangi metro vagonlari yuborilgani to‘g‘risida xabar berilgandi.
Cho‘lponoy Ahmedova