Япония Афғонистонга 106 млн долларлик ёрдам ажратди
Мамлакат БМТ Хавфсизлик Кенгашида Афғонистонни қўллашини билдирган.
Толибон ташқи ишлар вазири Амир Хон Муттаки Япония ҳукуматига ўз мамлакатига кўрсатган 100 миллион доллардан ортиқ ёрдам учун миннатдорчилик билдирди.
Ташқи ишлар вазири Муттаки Кобулда Япония элчиси билан учрашувда 106 миллион долларлик ёрдам ва ижобий дипломатик алоқалари учун миннатдорчилик билдирган ва буни халқаро ҳамжамият учун “йўл харитаси” деб атаган.
Элчи Окада Такешининг таъкидлашича, Япония катта эҳтимол билан келаси йили БМТ Хавфсизлик Кенгаши аъзоси сифатидаги вазифаларини бажаришга киришади ва БМТнинг ушбу органида Афғонистонга нисбатан ижобий рол ўйнашга ҳаракат қилади.
Эслатиб ўтамиз, аввалроқ Япония элчихонаси октябрь ойида Кобулдаги фаолиятини қайта бошлагани хабар қилинганди.
